Friday, September 4, 2015

अस्कर अवार्डका निम्ति चार नेपाली चलचित्र तयार, टुल्के सहित अन्य तीन चलचित्र छनोट समितिमा

विश्वको सर्वोत्कृष्ट अस्कर अवार्डका निम्ति चार नेपाली फिल्मले आवेदन दिएका छन् । अस्कर प्रतिस्पर्धाका निम्ति सुनपानी, निशानी, भिमदत्त र टलकजंग भर्सेस टुल्केले आवेदन दिएका हुन् । अस्कर अवार्ड विदेशी भाषा फिल्म छनोट समितिले केही दिनअघि एक हप्ताको समयसिमामा चलचित्र बुझाउन आग्रह गरेको थियो । जसअनुरुप यी चार चलचित्रले अस्करको विदेशी भाषा विधामा लड्ने इच्छा देखाएका छन् ।

२०७१ असोज १५ देखि २०७२ भदौ १४ सम्म प्रर्दशन भएका चलचित्रले अस्करका निम्ति सहभागिता जनाउन पाउने प्रावधान छ । सहभागिता जनाएका चलचित्रमध्ये सबैलाई हेरेर त्यसमध्ये कुनै एक चलचित्रलाई अस्कर अवार्डका निम्ति पठाइन्छ । अवार्ड कार्यक्रम आउँदो फागुन १६ गते अमेरिकाको लस एन्जल्समा आयोजना हँुदैछ । यसअघि गत साल शताब्दी पुरानो सती प्रथामा आधारित चलचित्र झोला प्रतिश्पर्धाका निम्ति सिफारिसमा परेको थियो ।

Monday, August 31, 2015

आशिकी गायक अंकित तिवारी नेपाल आउँदै


आशिकी टु गायक अंकित तिवारी कन्र्सटका निम्ति नेपाल आउँदैछन् । आगामी असोज १६ गते राजधानीको जावलाखेल फुटबल मैदानमा उनको बेजोड प्रस्तुती रहने बताइएको छ । चलचित्र  आशिकी टु को गित “सुन रहा है ना तु” बाट आफ्नो चिनारी फराकिलो बनाएका अंकितले चलचित्र एक भिलेनको गितबाट थप उचाइ पाए ।

अंकितलाई गत मे महिनामै  ल्याउने तयारी भएपनि भुकम्पका कारण पछि सरेको आयोजक प्लानेट नेपाल इन्टरनेशनलले बताएको छ । दिउँसो दुइ बजेबाट चल्ने कन्र्सटमा उनलाई साथ दिन नेपाली गायक सविन राई र कभवेभ ब्याण्डसँग कुरा भइरहेको समेत आयोजक पक्षले जानकारी दिएको छ ।

Friday, August 21, 2015

नेपाली चलचित्र अब भुटानमा पनि प्रदर्शन हँुदै, बजारीकरणमा दुई पक्षबिच सहमति

नेपाली चलचित्रको बजार फराकिलो बनाउने उद्येश्यले चलचित्र संघले एउटा सकरात्मक कदमको सुरुवात गरेको छ । नेपाली चलचित्रलाई अब भुटानमा पनि प्रदर्शन गरिँदैछ । जसका निम्ति दक्षिण एशियाली मुलुक नेपाल र भुटान बजारीकरण गर्न सहमत भएका छन् ।  नेपालबाट चलचित्र संघ अध्यक्ष नकिम उद्दिन, भुटान फिल्म एशोशिएसनका अध्यक्ष तोङग्याल मिला र प्रतिनिधिबीच राजधानीमा सहमति जुटेको हो ।

वार्तामा नेपाली चलचित्र भुटानमा चलाउने र भुटानी चलचित्र पनि नेपालमा चलाउनेबारे दुवै पक्ष सैद्धान्तिक रुपमा सहमत भइसकेका छन् । भुटानमा अधिकांश नेपालीभाषी बसोबास गर्ने भएकाले नेपाली फिल्मको बजार बन्नसक्ने आँकलन गर्न सकिन्छ ।

Tuesday, August 18, 2015

थाइल्याण्डको बमहमलामा परी ज्यान जानेको संख्या हालसम्म २१, बल्लतल्ल बाँचिन यी बलिउड नायिका

बलिउड अभिनेत्री जेनेलीया डी सौजा सोमबार थाइल्याण्डमा भएको बम बिस्फोटबाट बल्ल तल्ल बाँचेकी छिन् । विज्ञापनको सुटिङ्गका निम्ति थाइल्याण्डको बैंककमा रहेकी उनले आफु सुरक्षित भएको टवीट् गरेकी छिन् । बिस्फोटमा परी  आफु नजिकै रहेका थुप्रै मानिसको ज्यान गएपनि आफु बल्लतल्ल बाँच्न सफल भएको उनले जानकारी दिइन् । बैंककको रातचप्रासन एरावन नामक धार्मिक स्थलमा गराईएको उक्त बम हमलामापरि हालसम्म २१ मनिसको ज्यान गइसकेको छ । मृत्यु हुनेको संख्या अझै बढ्ने अनुमान गरिएको छ ।



साउथ इण्डियन चलचित्र हँुदै बलिउडमा इन्ट्री मारेकी जेनेलीयाले “तुझे मेरी कसम” नामक चलचित्रबाट आफ्नो परिचयलाई फराकिलो बनाएकी थिइन् । त्यसैगरी  बलिउड चलचित्र “जाने तु या जाने ना” को सफलता पछि उनको ब्यस्तता आजभोलि झन् बढिरहेको देखिन्छ ।

बलिउड अभिनेता कुनाल कपुर नेपालमा, भुकम्प पिडितका निम्ति सहयोगी हात बढ्दै

भुकम्पपछि नेपालमा भइरहेको पुननिर्माण कार्य अवलोकन गर्न बलिउड अभिनेता नेपाल आएका छन् । भुकम्पले नेपालीहरुमा निम्त्याएको समस्यमा सामेल भई उनले आफ्नो संस्थामार्फत पुननिर्माणमा सहयोग गरिरहेका छन् । आफु सहसंस्थापक रहेको सामाजिक संस्था “केयर” र च्यारिटी संस्था “केट्टो ” प्रोजेक्टको अवलोकन गर्न उनी सोमबार काठमाडौँ आएको उनले बताएका छन् ।
उनले “रङ्ग दे बसन्ती” र “डन २” जस्ता चर्चित फिल्मका अभिनेता हुन् । बलिउडका चर्चित ब्यत्तित्व शशी कपुरका छोरा कुनाल सन् २००६ मा “रङ्ग दे बसन्ती” बाट फिल्मफेयरको बेस्ट सर्पोटिङ्ग एक्टरमा मनोनित भएका थिए ।

Monday, August 17, 2015

चर्चित गायिका कोमल ओलीलाई यसपटक पनि अमेरिकाले भिसा दिएन, आफुलाई नपत्याएकाले उनी पत्रकार सम्मेलनको तयारी गर्दै


Singer Komal Oli
अमेरिकामा आयोजना हुन लागेको तिज विशेष कार्यक्रम सहभागी हुन अमेरीका जान लागेकी चर्चित गायिका कोमल ओलीलाई अमेरिकाले भिसा दिएन । यसअघि उनले तिनपटक अमेरिका भ्रमणको प्रयास विफल भएको थियो । यसपटक पनि उनलाई सरि म्याम भन्दै  अमेरिकाले भिसा दिन मानेन  ।
अन्र्तवार्तामा उनले आफु ब्यावसायिक गायिका भएको र अवसर पाए मात्र अमेरिका जान्छु भनेकी थिइन् । अझ रोचकको कुरा त के छ भने ओलीलाई अन्र्तवार्ताकै क्रममा प्रेमी छ भनी सोध्दा उनले छैन भनेकी रहिछन् । फेरि विवाहको बारेमा सोधेपछि उनले आफु अविवाहित भएको बताएकी थिइन् । त्यसलगत्तै उनको भिसा लागेन ।
अमेरिकाका विभिन्न २५ वटा शहरमा कार्यक्रम बुक भइसकेपनि ओली अमेरिका जान भने पाइनन् । आफुलाई भिसा नदिएको कारण बुझ्न नसकेकाले उनले पत्रकार सम्मेलनको तयारी गरेको बुझिएको छ ।

Sunday, August 16, 2015

बलिउड गायिका सन्जिवनी नेपाल आउँदै, यो साइनो मायाको पुनः गुन्जिदै


जिटिभीको कार्यक्रम सारेगम हँुदै बलिउड र कलिउडमा समेत चर्चा बटुलेकी गायिका सन्जिवनी नेपाल आउँदैछिन् । आगामी भदौ २६ मा आयोजना हुने एनएफडिसी राष्ट्रिय अवार्डमा सहभागिता जनाउन उनी नेपाल आउन लागेकी हुन् । सन् १९९५ को सारेगम सिजन विजेता सन्जिवनीले बलिउडसँगै थुप्रै नेपाली फिल्ममा स्वर दिएकी छिन् । उनले १९९८ मा प्रदर्शन भएको चलचित्र “करिब” को “चोरी चोरी जब नजरे मिली” बोलको गितबाट पाश्र्व गायनको सुरुवात गरेकी थिइन्  ।
यो साइनो मायाको, ल है माया सुटुक्कै आउनु है, लगायतका चर्चित नेपाली गित गाएकी सन्जिवनीले हालसम्म ७ सय बढी स्टेजमा प्रस्तुती दिइसकेकी छिन् । सुमधुर स्वरकी धनी सन्जिवनीले भदौ तेस्रो साता नेपालमा आफ्नो कर्णप्रिय आवाजमा पस्कदैछिन् ।